МЕКСИКО/ КАНКУН

Мексико се смета за една од најпопуларните туристички дестинации. Испреплетеноста на традиционалниот со модерниот живот овозможува Мексико да нуди многу разновидности надополнети од страна на уникатни археолошки локалитети, пустини и врвови на Андите, вулкани и песочни плажи, мали колониални градови со зачувана архитектура на шпанските освојувачи и остатоци од античките населби и светилиштата на Маите и Ацтеките.
Културата на Маите владеела на полуостровот Јукатан, на југоисточната страна на Мексико, затворен од Мексиканскиот Залив и Карипското Море. Во оваа област, Маите го достигнале својот супериорен степен на развој. Сепак, цивилизацијата на Маите достигнала огромно проширување, од јужното Пацифичко крајбрежје на Мексико до Централна Америка. Трагите на номадските населби на Маите се враќаат во 1500 година п.н.е. Познати во нивните градежни техники, нивните врежани натписи на нивните Пирамиди, згради и храмови. Маите развиле структура на пишување, користејќи хиероглифи и така воделе запис за наодите на Маите во математиката, архитектурата и астрономијата.
‘’Акцентите на Јукатан’’ е комплетна тура во светот на Маите вклучувајќи го и Канкун, градот кој се наоѓа на Карипско Море со 22 километри бели песочни плажи и тиркизна вода. Поделен на пет зони, островот Канкун е првата и најважна хотелска зона, каде што се концентрирани повеќето од плажите и туристичките активности. Во моментов, оваа дестинација е дом на најголемите хотелски ланци во светот, луксузни одморалишта, ресторани и барови, продавници од светски познати брендови, трговски центри, терени за голф и ноќни клубови. Канкун е една од омилените дестинации на голем број туристи во светот кои што уживаат во прекрасното време, најубавите плажи во земјата, гастрономијата и многубројните продавници. Посетителите можат да уживаат во разни активности и неверојатен панорамски простор, што ќе им даде чувство дека се во рајот.